La Quinta Avenida ye una de les principales arteries del centru de Manhattan, na ciudá de Nueva York, nel estáu del mesmu nome, nos Estaos Xuníos d'América. Enllena de pisos de lluxu y de mansiones históriques, la Quinta Avenida ye un símbolu de la bonanza económica de Nueva York. La seición de l'avenida ente la Cai 34 y la Cai 59, ye tamién una de les zones de compres más esclusives del mundu xunto a Oxford Street en Londres, los Campos Elíseos en París y la Vía Montenapoleone en Milán.